Arubaanse Zwembond kier a gradici tur persona cu a contribui na e exitoso campeonato di Carifta 2014

 1240060 439514909516863 451517661 n

Comunicado

Arubaanse Zwembond kier a gradici tur persona cu a contribui na e exitoso campeonato di Carifta 2014

Aruba, 30 april. E campeonato Carifta 2014 di landamento, landamento sincroniza y open water yega su final. Aruba su atletanan a haci un tremendo presentacion den tur tres disciplina unda a kibra record den medayanan obteni. E federacion di landamento, AZB por mira tras di un otro exitoso evento organisa na Aruba. Den un periodo di 6 aña, AZB a organisa cuater campeonato internacional di landamento na Aruba di cual tres tabata Carifta y uno di CISC, un muestra di profesionalismo di tur cu a y ta trahando na bienestar di e deporte di landamento. For di aña pasa cu AZB a gana e derecho di organisa un otro campeonato di Carifta, a cuminsa cu e diferente preparacionnan. E ultimo lunanan esakinan a bira mas intensivo, pero danki na esfuerso di un y tur a logra bin cla na tempo pa asina ricibi e 18 paisnan bishitante den e region di Caribe, sin lubida nos propio hendenan di Aruba mes.

Pa e motibo aki tambe Arubaanse Zwembond kier a manda un palabra di gradicimento na tur e

135 VOLUNTARIONAN cu a yuda durante e competencianan di landamento, landamento sincroniza y open water. Boso contribucion a pone cu e campeonato di Aruba Carifta 2014 a bira uno involvidabel pa tur cu a participa na dje.

Na mes momento kier a gradici e diferente instancianan cu a yuda manera DOW, IBISA, , Universidad di Aruba, Rode Kruis, Kustwacht, Koninklijke Marine, Maritieme Politie, Personal di Piscina Olimpico Rolly Bisslik, Brandweer, Polis y Cemedar Sports Medicine/Comision medico COA.

Un palabra di danki tambe ta bai na tur e patrosinadornan cu a contribui cu e campeonato di Aruba Carifta 2014, esakinan Gobierno di Aruba, Sport Subsidie Commissie, Caribbean Mercantile Bank N.V, Aruba Airport Authority N.V., Tropicana Aruba Resort & Casino, SETAR, ALBO Aruba, Subway, Anna Fit, Century 21st, Price Water House Coopers y Lotto pa Deporte.

Aruba ta simplemente grandi. Danki un biaha mas!!!!

No events
Adress: Simulated Text 5863. Aruba. Phone: (685) 256975 - Fax: (685) 256975.
Made By Patrick Groters.
©2014 Aruba Swimming.