delegacion junior den e deporte di landamento a competi den e di trintitres edicion di e prestigioso competencia organisa pa Delfines del Naco procedente di Republica Dominicana

Comparti

 

Den e fin di siman tras di lomba un delegacion junior den e deporte di landamento a competi den e di trintitres edicion di e prestigioso competencia organisa pa Delfines del Naco procedente di Republica Dominicana.

Mester bisa cu nos landadonan a competi contra e miho landadonan den e region di Caribe. Pa loke ta e resultado final Aruba por ta mas cu orguyoso mirando cu nos atletanan a sa na conkista un numeroso cantidad di medaya. Es mas algun di nos atletanan a logra gana e Highpoint Trophy como e landadonan mas sobresali di henter e competencia den nan categoria.

Den e categoria 13-14 mucha muhe, nos tin Flory Kock kende a gana e highpoint trophy winner, na banda di esaki e hoben a triunfa cu 4 Oro, 3 Plata cu dos NACO record den e (200 & 100 Free), 1 record Aruba Age group record (100 Free). Mester bisa cu den e competencia Delphines del Naco, e hoben Flory Kock a representa su club Aruba Dolphins. Tambe nos tin Keeley Maduro kende a logra un di tres luga highpoint trophy cu 1 medaya di Oro, 2 di Plata y 1 di Bronz. Un otro landado cu a haci un tremendo papel ta Anahi Schreuders kende a logra 2 medaya di Oro, 2 Plata y 2 Brons cu dos NACO record (50 & 100 Breaststroke). E hoben Elisabeth Timmer a opta pa no competi na e Naco pa motibo di scol.

Den 13-14 mucha homber nos tin Daniel Jacobs kende a logra un di dos luga den e highpoint trophy cu 3 medaya di Oro, 1 Plata cu un Aruba Age group record (400 Free) y dos NACO records den 100 & 200 Free. E hoben Brandon Cheong a logra un medaya di Oro.

Por ultimo den e categoria 15-17 mucha homber nos tin Patrick Groters kende a logra bira ganado di e highpoint trophy cu 5 medaya di Oro, 1 Plata y 1 Brons cu 3 NACO Records(50 & 100 Back, 200 IM) y 1 Aruba Age group y 1 Open Record (400 IM)

Un danki sigur na Lotto, e Loteria di Aruba pa medio di Comision di Subsidio ta apoya e seleccion di Age Group den landamento.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

876

No events
Adress: Simulated Text 5863. Aruba. Phone: (685) 256975 - Fax: (685) 256975.
Made By Patrick Groters.
©2014 Aruba Swimming.