COMPETENCIA DIA DI BETICO

1 RECORD ARUBANO NOBO A SER PONI DURANTE E COMPETENCIA:
Jaydon Croes categoria 7-8  a landa 33.33 den 50 m Liber pa pone su nomber como e landador mas liher den historia di Aruba pa e categoria aki. Resultado completo:

Results

Results Girl Relay

Read more...

Patrick Groters selecta door di prensa deportivo na Florida

Nos landador Arubano Patrick Groters a termina su temporado di High School cu hopi éxito. E dos corantnan di Sur Florida, esta Miami Herald y Sun Sentinel a selecta Patrick den nan All Star team pa e anja escolar 2014-2015 pa su resultado. Patrick a termina e temporado cu e tempo mas liher di full Broward County den 500 free,esta 4:31.87. Patrick a logra e tempo aki durante e Campeonato di Florida na unda e a logra gana e medaya di Bronze. E logro aki ta algo fabuloso pa e landador hoben cu ta apenas den su promer anja di High School, y ya caba a demonstra cu pa e proximo 3 anja e lo por ta entre e landadornan mas liher di Florida. Prome cu Patrick a competi na e Campeonato di Florida, Patrick a gana ambos Campeonato di su Districto y di su Region den 500 yards estilo liber. Pa su segundo evento individual Patrick a landa 50 yrd estilo liber, ganando medaya di Oro den su Districto, medaya di Plata den region y finalizando na di 7 lugar na e Campeonato di Florida. Patrick a forma parti di dos equipo di estafette campeon na e Campeonato di Districto, hunto cu su equipo di University School. E estafette di 4x 50 combina a continua, pa sali campeon di región, y a logra yega final y a termina na di 6 lugar pa estado di Florida. 

Durante e awards banquet di Patrick su scol Patrick a wordo honra cu 2 awards. Patrick a hanja e Most Valuable Player y e Most Improved award pa su equipo. Y apenas algun siman despues e prensa deportivo a saca Patrick como un di e landador cu a destaca den e anja escolar aki. 

Patrick awor ta sigi entrena cu Pine Crest Swim Team pa prepara su mes pa representa Aruba na Carifta 2015, locual lo tuma lugar na Barbados durante luna di April benidero. Patrick su deseo ta pa logra clasifica pa e weganan PanAmericano 2015 na Toronto. Patrick tin un tempo B  caba pero ta desea di landa un Tempo A den su evento principal.

Read more...Read more...Read more...

Jordy Groters a termina na di 7 den final 100m pecho na Veracruz

Despues cu diasabra anochi e landado Jordy Groters a landa un record personal den e 100m freestyle den un tempo nobo di 52.83, diadomingo mainta e atleta Arubano a bolbe competi e biaha aki den un di su eventonan faborito cu ta e 100m pecho. Jordy a start den heat number 2 y den caryl number 7

Mester bisa cu Jordy a landa den forma fenomenal, den e prome 50 meter e ta marca un tempo "split" di 30.83, den e ultimo meternan Groters ta remata bon y ta mishi como e di 6 landando cu un tempo final di 1.04.97, esaki tabata un seconde riba su record personal.

Na final nos a combersa cu e atleta Groters kende a conta nos cu e la focus hopi riba su tecnica y no su speed. "Mi a purba focus mas riba mi tecnica durante e 100m di mainta, mi no a concentra mucho riba mi speed. Asina mes mi ta contento di logra un final A. Den e final di anochi mi lo mester bai duro usando mi tecnica combina cumi speed".

Cu e tempo aki Jordy ta logra clasifica pa e gran final di 100m pecho hunto cu e miho shete landadonan den e region di Centro America y Caribe.

Den oranan di atardi e gran final a tuma luga den e Centro Acuatico. Apoya pa e delegacion di Aruba, Jordy ta landa un bon evento y ta termina na di 7 luga. Su salida tabata bon cu un "split time" di 30.09, sinembargo Groters no por a remata e manera desea y ta termina den un tempo di 1.04.50.

E logro aki sigur ta uno bon pa Jordy kende a posiciona su mes entre e 7 mihonan den e region di Centro America y Caribe.

Read more...Read more...Read more...

Comunicado AZB Cu Representacion Den CCCAN

Den e congreso general di: CONFEDERACION CENTRO-AMERICANA Y DEL CARIBE (CCCAN), cu a tuma lugar na Vera-Cruz, Mexico den luna di November, na unda cu tabatin 29 federacion presente, Sra. Maureen Croes di Aruba a wordo elegi unanimamente como Secretaria General den e staf ehecutivo nobo, pa e periodo di 2015 pa 2019.Esaki ta un logro grandi pa un isla chikito manera Aruba.

Maureen ta un ex-landadora di Aruba.E ta un persona sumamente dedica , cu un conocemento amplio di e deporte, y cu ta percura pa keda semper na altura di tur acontecimentonan y cambionan técnico den e mundo di landamento en general. Actualmente su yiunan ta forma parti di e top-landadornan cu ta representa Aruba internacionalmente. Cu su contribushon profesional na e direktiva anterior di CCCAN, tabatin hopi bista riba su persona.

E direktiva nobo di CCCAN, bou normanan estricto di FINA,cu ta e órgano ehecutivo máximo den mundo di landamento , a nombra su representantenan den e comisionnan tecnico pa e cinco disciplinanan aquatico: landamento, landamento syncronisa, diving, waterpolo y open water. Dos oficial di Aruba a hanja nombracion pa ta miembro di e comisionan, y esaki ta un otro logro grandi pa nos pais Aruba.

Den e disciplina di landamento syncronisa a keda elegi Sra. Stella Leslie, y den landamento a keda elegi Sra. Mayens Tromp.

Sra. Stella Leslie a traha den e “Technical Committee” pa 8 anja como miembro di comishon di landamento syncronisa. Su persona ta "referee" certifica di nivel A di FINA y di UANA, cu hopi experencia local y internacional. Awor su persona tin e funshon di ta e presidente di e comishon tecnico di landamento syncronisa di CCCAN. Landamento syncronisa ta un deporte di nivel halto na Aruba, den region y mundialmente. Aruba ta den e topnan den e deporte aki.

Sra. Mayens Tromp a cuminsa traha como oficial na Aruba tempo cu su yiunan a cuminsa competi den landamento. Su persona ta un "starter" certifica pa FINA y di UANA, cu 25 anja di experencia local y internacional.Tambe e sa tin e tarea di ta e announcer na e competencianan organisa pa CCCAN, pa motivo di su dominio di diferente idioma. Ta prome biaha den historia cu Aruba ta hanja un representante den e comishon tecnico di landamento.

Sra. Mayens lo ta e unico persona femenino den e comishon tecnico di landamento pa e periodo aki.

Un di nos otro oficial den deporte di landamento, cu un trayectoria hopi largo, tanto local como internacional, ta Sr. Ronald Leito.Sr.Leito a logra algo historico pa Aruba,como cu e ta e unico oficial den Region cu tin Certificado International di FINA como Referee y Starter, cual ta e posicionnan cu ta lidera un competencia. Su persona tambe ta un oficial certifica di UANA.

Sr. Ronald Leito ta fungi como un oficial di AZB for di anja 1983, y cu su amplio experiencia

tambe a ehecuta trabounan den tur e otro posicionnan den competencia di landamento.

Durante e ultimo competencia internacional,esta CAC Vera-Cruz na Mexico, tur tres oficial tabata presente pa eherce nan trabau na un forma ehemplar.

Arubaanse Zwembond ta hopi orguyoso di tin personanan cu ta traha incansabelmente cu asina hopi amor y dedicashon pa e desaroyo di e deporte aquatico na Aruba, y ta desea di expresa nan aprecio y agradecimento na tur persona cu ta contribuyendo voluntariamente di un manera of otro pa engrandece nos deporte.

Read more...Read more...Read more...

PATRICK GROTERS WINS BRONZE

At the Florida State High school Championships held in Stuart, Florida November 15 Patrick Groters swimming for University School of NSU, swam a personal best time in the 500 Free to touch the wall in third place for the bronze medal. His time 4:31.83 ranks him currently in the Top 3 in the USA for 15 year old boys. Patrick also swam finals in the 50 free and finished 7th. In the morning session Patrick had posted a personal best in the 50, 21.70. 
Read more...Read more...
No events
Adress: Simulated Text 5863. Aruba. Phone: (685) 256975 - Fax: (685) 256975.
Made By Patrick Groters.
©2014 Aruba Swimming.