Atleteanan nobo di Barracudas a pasa nan prome STAR Diploma.

Aruba, 20 november 2016. "De Barracudas" como unico club di landamento Sincroniza na Aruba, e aña aki atrobe tin un grupo di atleta nobo cu a cuminsa train na comienso di september. E grupo di Beginners ta train 3 biaha pa siman bou guia di Coach Yami Romay Arias, Coach Nathania Taylor y Coach Neftaly Albertsz.

Dia 19 di november ultimo, e muchanan aki a pasa nan prome Star Diploma, cu ta parti di e programa pa sinja atletanan nobato e bonita deporte di landamento sincroniza.

Aki e atletanan di Beginners a mustra nan habilidadnan den entre otro figura nan basico, movecion nan basico y landamento en general. Algun ejempel ta: Back Layout, Somesault Back Tuck, Head First Sculling, Foot First Sculling y Rugcrawl.

Sra. Stella Leslie, sra. Candi Peña De Sanchez y sra Yvette Thuis tabata e tres huesnan cu tabata tin e tarea difícil pa husga e abilidad di e atletanan .

Atletanan cu a pasa nan Prome Star ta: Maria Jose Salazar, Xiana Hoo, Nyah Carrera, Quintessa Sophia, Ariana Gomez, Cherry Ann Martes, Zianthe Kock, y Andreina Arteaga.

Barracudas ta manda palabra di pabien na tur Beginner cu a ricibi Star 1 y alaves desea tur e atletanan di Beginners hopi exito cu training pa e siguiente Star cu lo ta na februari 2017.

Barracudas Aruba kier a recorda pueblo di Aruba cu nan siguiente actividad pa recuada fondo lo ta e Thanksgiving Fun walk cual lo ta riba 26 di november. Ticketnan ta obtenibel cerca tur atleta of por yama sra. Memita na 5925966 of sra. Candi na 7361007 of tambe na IBISA.

Pa mas informacion tambe por subi riba Barracudas Aruba su pagina di Facebook. IMG 5156IMG 5160IMG 5173IMG 5191

 

 

IMG 5140

No events
Adress: Simulated Text 5863. Aruba. Phone: (685) 256975 - Fax: (685) 256975.
Made By Patrick Groters.
©2014 Aruba Swimming.