Comunicado Barracudas Synchro a tene nan di 3 Competenica di Figuranan.

Oranjestad, 16 November 2015.  Diasabra ultimo, Barracudas Aruba, tawatin competencia di e figuranan tecnico di e gruponan di edad 12aña y menos, 13 pa 15 aña y 16-18 aña, e asina yama "Figure Competition". E atletanan a desplega un bon trabou y e huradonan, mester a sinta un tempo basta largo pa huzga cada atleta den awa. Ta importante pa e atleta di landamento sincronisa pasa den e competencia di Figuranan aki, ya cu esakinan lo duna un promedio di e atleta su prestacion pa cu e deporte. E ultimo aki tambe ta duna indicacion pa un posibel formacion di ekipo nacional cu ta wordo forma pa fin di aña.

E resultado nan ta como lo sigiente:

 

12 and under: 1.Sara Castaño 2.Angelina Hamoen 3.Quimey Carmona 4.Avigayle Tromp 5.Mikayla Morales 6. Ambar Silva 7.Abigail Sanchez 8.Ariana Dijkhuizen 9. Jevienne Gomez

10. Zahira Varis 11. Eva-Elle Gietel 12.Edianne Croes 13.Vashty Lispier 14.Alina Dirksz 15.Abizahi Sanchez

 

13-15: 1.Kainah Croes 2.Anastasia van Daal 3.Janelly Piña 4.MaryJane Wong 5.Jasiliëne Schmidt 6.Sarah Silva 7.Caroline Kelly 8.Carolina Janssen

 

16-18: 1.Abigail de Veer 2.Nathania Riley 3.Isabella Noguera

 

E sigiente competencia ta bai ta e "Mini Arubaanse" cu lo tuma lugar 12 di December na unda tur atleta lo participa atrobe den e parti tecnica di e figuranan. Ta desea exito na tur atleta pa nan siguiente actividad. Semper por sigi Barraucudas Synchro ariba Facebook tambe! 

Read more...Read more...Read more...Read more...Read more...Read more...

Competencia di ASU Synchro a tuma lugar

Oranjestad, 18 October 2015. Diasabra ultimo, 17 october, a tuma lugar e         "ASU SYNCHRONIZED SWIMMING FIGURE COMPETITION 2015"

E competencia a tuma lugar na Piscina Olimpico Savaneta durante oranan di mainta.

Cada atleta mester a landa 4 figuranan obligatorio cu a wordo husca door di 4 hues. A competi den diferente grupo di edad y e resultado nan to como lo sigiente:

 

12 y menos:

1.Sara Castaño Vidal, 2.Angelina Hamoen, 3.Quimey Carmona, 4.Mikayla Morales, 5.Avigayle Tromp, 6.Jevienne Gomez, 7. Eva-Elle Gietel, 8. Abigail Sanchez, 9. Ariana Dijkhuizen, 10.Zahira Varis, , 11. Edianne Cores, 12. Ambar Silva, 13. Vashty Lispier, 14.Abizahi Sanchez, 15. Alina Dirksz.

 

13-15 anja:

1.Abigail de Veer, 2.Mary Jane Wong, 3.Kainah Croes, 4.Anastasia van Daal, 5.Rizhaylee Bello, 6.Jasilienne Schmidt, 7.Nathania Riley, 8.Meghan Tromp, 9.Sarah Silva, 10.Caroline Kelly, 11.Janelly Piña.

 

16-18 anja:

1.Abigail de Veer, 2.Nathania Riley, 3.Isabella Noguera.

 

E Apertura oficial di ASU Olimpiade a tuma lugar Diadomingo ultimo na unda e delegacion di Synchro Tambe a participa. Un biaha mas AZB lo kier a gradici ASU pa nan aporte na deporte. 

 

 

Read more...Read more...Read more...Read more...

Kyra Hoevertsz ta gana 2 Oro durante Campeonato Nacional di Merca di Synchro

 

Morago, California, US, april 2015.  Durante e campeonato nacional mas importante di Merca den e deporte di landamento sincroniza, cu a tuma lugar na e ciudad Morago, California, e atleta di Aruba Kyra Hoevertsz a logra bai cu e titulo máximo den dos evento; Kyra a logra dos medaya di oro den e categoría “junior”, tanto den evento equipo, como pa e equipo combo.   

 

Tur atleta den e deporte di synchro ta prepara henter aña pa e evento aki, cu ta e culminación di lunanan di entrenamento intensivo. Solamente e mihornan ta participa na e campeonato nacional. Pa medio di campeonatonan clasificatorio cu ta tuma lugar prome, cada atleta mester logra e derecho di participa na e Campeonato Nacional, yama oficialmente e “U.S. National Synchronized Swimming Championships”.

 

Manera ta conoci, Aruba tin su atleta Kyra Hoevertsz, di nivel halto den e deporte di landamento sincronisa cu ta biba, bai scol y entrena na Merca y cu durante e aña escolar ta competi pa nan Club.

 

Kyra Hoevertsz a participa cu su club "Walnut Creek Aquanuts" den e categoria Juniors. Kyra mester a competi prome den e parti tecnico esta e "figuranan tecnico", caminda e mester a enfrenta no menos cu 151 otro competidor. Na final Kyra a termina na di 17 lugar.

Kyra su siguiente evento tabata e equipo, hunto cu 7 otro compañera di su club. E equipo di Walnut Creek Aquanuts a drenta e ronda final na segundo lugar, net tras di nan eterno rivalnan di Santa Claa Aquamaids, pero den e finalnan nan a presenta nan rutina asina bon, cu nan a sa di logra puntuacionnan mas halto, terminando pues na prome lugar y ganando e medaya di oro!

 

Pa Kyra tabata tin mas evento riba e programa. Riba e ultimo dia di e competencia, Kyra a participa den e evento "Combo", cu ta un rutina masha creativo cu ta combina tur e eventonan di e deporte den uno. Solo, dueto, y tur landador hunto den varios combinación ta hasi e equipo “combo” hopi gusta pa publico. Ta landa e equipo “combo” cu 10 atleta, pero tin hopi libertad den e coreografia. Cu un rutina cu a expresa “aliens”, e equipo di Walnut Creek a logra sali na promer lugar, ganando asina otro medaya mas di oro pa Kyra.

 

Mirando atras AZB ta hopi orguyoso di e atletan aki di Aruba cu den e grandinan di Merca ta logra gana medayanan di oro!

 

Pa Kyra e temporada pa competi pa su club na Merca a termina y awor e ta bai prepara su mes pa bai landa un dueto hunto cu Anouk Eman, pa representa Aruba na competencianan internacional. Na luna di Juli nan lo participa na e Weganan PanAmericano cu lo tuma lugar na Toronto, Canada. Despues di e competencia aki, tambe na luna di juli, nan lo participa na e "World Championships", na Kazan, Russia.

E ultimo competencia aki ta di gran importancia pa e Dueto aki, pa asina tin un idea di e ranking mundialmente. E dueto tin nan bista ariba e Weganan Olimpico, y pa jega asina lew mester clasifica entre e mihor 24 di Mundo!

 

Hopi exito na Anouk y Kyra y un palabra di pabien pa e resultadonan cu nan a logra.Read more...Read more...Read more...Read more...Read more...Read more...Read more...Read more...

Read more...

Synchro Aruba cu resultado tremendo durante ARGENTINA OPEN

Oranjestad, 28 October 2015. Recientemente algun di hobennan atleta di synchro Barracudas Aruba a participa na e campeonato internacional di landamento sincronisa na Buenos Aires, Argentina, e asina yama:

“ARGENTINA OPEN”.

Despues di un siman activo cu practica y competencia den diferente categoria, bou guia di e coaches Alva Torres, Yamisleidys Romay y Tammy McGreggor, tur por wak atras cu gran satisfaccion.

E biaha aki a toca turno na e grupo di edad 13 te 15 aña pa participa den eventonan di Solo Duet y Team, tambe Aruba a wordo representa door di Kyra Hoevertsz y Anouk Eman den e categoria di Senior cu un Duet Technical y un Duet Free.

Ta importante pa menciona, cu Aruba a sa di logra posicionnan clave den premiacion den tur categoria di competencia cu nan a participa.

TEAM

Team 13-15 a sa di conquista e di tres lugar di e 13 Team  cu a participa. Cada atleta a ricibi nan respectivo medaya di brons. E atletanan di e categoria aki ta: Rizhaylee Bello, Anastasia van Daal, Meghan Tromp, Kaina Croes, Nathania Riley, Abigail de Veer, Jasiliëne Schmidt y Mary Jane Wong. Oro a bai pa e Team di Canada, y plata a bai pa Argentina.

DUET

Aruba a presenta cu dos rutina di duet, den persona di Kaina Croes hunto cu Meghan Tromp, y e segundo Duet tawata consisti di Anastasia van Daal hunto cu Rizhaylee Bello. Den Duet tambe Aruba a conquista e di tres lugar, den persona di Anastasia y Rizhaylee, mientras cu Meghan y Kaina a logra di seis lugar entre 20 Duet participando. otro rutina di duet. Oro y plata ambos a bai pa Duet nan di Argentina.

 

SOLO

Aruba a keda representa den e categoria aki door di Abigail de Veer. Abigail a sa di duna un tremendo presentacion di su rutina asina conquistando e di tres lugar y a ricibi su medaya di Brons. Den e categoria aki tambe ambos medaya di Oro y Plata a bai pa Argentina.

 

SENIOR DUET

Ultimo tempo nos ta scucha y mira hopi di otro dos atleta cu hopi ambicion den e deporte aki. Kyra Hoevertsz y Anouk Eman ta un Duet dinamico, cu banda di nan estudio na Merca, nan sa di combina nan tempo cu practica di synchro. Tur esaki cu e meta pa purba di logra clasificacion pa e Weganan Olimpico na RIO 2016.

Den e competencia di Technical Duet, Kyra y Anouk a conquista e di dos lugar y ambos a ricibi nan medaya di Plata cu masha felicidad. Na di prome lugar ta Argentina y na di tres lugar a sali Venezuela.

Despues a toca turno na e Free Duet pa e atletanan aki y nan presentacion tawata uno ariba musica di Vampire. Nan a enterpreta esaki fabuloso y atrobe a sali na di dos lugar ganando e medaya di Plata. Argentina a capta e medaya di Oro y Venezuela e medaya di Brons.

Tanto coaches, atletanan y nan mayornan ta masha contento cu e logro di tur e atletanan. Aruba mester keda pendiente pa mas desaroyo den e deporte aki di synchro. Pabien na un y tur, cu boso logro cu ta pone nomber di Aruba riba un lugar clave den deporte aki.

 

 

 

Por sigi e atletanan aki via e Facebook pagina di "Barracudas" y Instagram: synchro_aruba

 

 

Read more...Read more...Read more...Read more...Read more...Read more...Read more...Read more...Read more...Read more...

Kyra Hoevertsz hunto cu su equipo ta logra gana ORO y ta clasifica pa e Junior National Championships di synchro na Merca

Oranjestad, 11 maart 2015. Ya ta pa di tres anja cu e hoben atleta di e deporte di landamento sincroniza, Kyra Hoevertsz, a establece su mes na California, pa eynan continua su estudio y tambe desaroya su mes den su deporte como miembro di e club Walnut Creek Aquanuts.

Siman pasa e equipo completo a participa na e “West Zone Junior Championship” na, Sacramento, California, caminda cu nan mester a logra supera e puntuacion di 73 punto pa por a gana e derecho di participa na e campeonato nacional di Merca cu equipo den e categoria "junior", cu ta di 14 te cu 18 aña di edad.

Diabierna durante e "West Zone Junior Championships" a toca e prome mitar di e competencia, esta den e figuranan tecnico, y tabata tin no menos cu 90 participante. Figuranan tecnico ta un di e fortalezanan di Kyra y e tabata tin confianza cu esaki lo a bai bon. Kyra a logra un puntuacion total cu a posicion'e na di 12 puesto entre e 90 landadornan, lagando pues un tremendo impresion atras.

Diadomigo a tuma lugar e competencia cu ta e rutina riba musica. Cu un presentacion tremendo di e equipo di "Walnut Creek Aquanuts" ariba musica Irlandes, "Riverdance" a impresiona e jueznan y na final di e presentacion, e puntuacion a wordo presenta: 82.500 punto! Mas cu sufficiente punto di loke nan mester a alcanza pa por a clasifica pa e campeonato nacional! Fuera di esei nan a gana Medaillo di Oro!! Cu un cara di alegria, Kyra a mustra con contento e tabata ta. E la logra su meta.

Bista awor ta cambia pa e Campeonato Nacional Junior di Merca, cu ta tuma lugar na Morago, California di 1 pa 5 April. Eynan Kyra ta competi cu su club Walnut Creek Aquanuts den e evento di equipo y tambe den e evento di Combo.

Despues di e competencia aki Kyra lo bai sigi prepara pa participa hunto cu su Duet Partner di Aruba, esta Anouk Eman pa bai participa na PANAMERICAN Games cu lo tuma lugar na luna di July na Toronto, Canada. Despues di esei Kyra y Anouk lo bai Rusia na unda nan lo participa den World Championships. Esaki ta bai ta un competencia hopi importante pa nan, pa asina por midi nan mes cu e resto di mundo.Read more...Read more...Read more...

Read more...

No events
Adress: Simulated Text 5863. Aruba. Phone: (685) 256975 - Fax: (685) 256975.
Made By Patrick Groters.
©2014 Aruba Swimming.