Kyra Hoevertsz hunto cu su equipo ta logra gana ORO y ta clasifica pa e Junior National Championships di synchro na Merca

Oranjestad, 11 maart 2015. Ya ta pa di tres anja cu e hoben atleta di e deporte di landamento sincroniza, Kyra Hoevertsz, a establece su mes na California, pa eynan continua su estudio y tambe desaroya su mes den su deporte como miembro di e club Walnut Creek Aquanuts.

Siman pasa e equipo completo a participa na e “West Zone Junior Championship” na, Sacramento, California, caminda cu nan mester a logra supera e puntuacion di 73 punto pa por a gana e derecho di participa na e campeonato nacional di Merca cu equipo den e categoria "junior", cu ta di 14 te cu 18 aña di edad.

Diabierna durante e "West Zone Junior Championships" a toca e prome mitar di e competencia, esta den e figuranan tecnico, y tabata tin no menos cu 90 participante. Figuranan tecnico ta un di e fortalezanan di Kyra y e tabata tin confianza cu esaki lo a bai bon. Kyra a logra un puntuacion total cu a posicion'e na di 12 puesto entre e 90 landadornan, lagando pues un tremendo impresion atras.

Diadomigo a tuma lugar e competencia cu ta e rutina riba musica. Cu un presentacion tremendo di e equipo di "Walnut Creek Aquanuts" ariba musica Irlandes, "Riverdance" a impresiona e jueznan y na final di e presentacion, e puntuacion a wordo presenta: 82.500 punto! Mas cu sufficiente punto di loke nan mester a alcanza pa por a clasifica pa e campeonato nacional! Fuera di esei nan a gana Medaillo di Oro!! Cu un cara di alegria, Kyra a mustra con contento e tabata ta. E la logra su meta.

Bista awor ta cambia pa e Campeonato Nacional Junior di Merca, cu ta tuma lugar na Morago, California di 1 pa 5 April. Eynan Kyra ta competi cu su club Walnut Creek Aquanuts den e evento di equipo y tambe den e evento di Combo.

Despues di e competencia aki Kyra lo bai sigi prepara pa participa hunto cu su Duet Partner di Aruba, esta Anouk Eman pa bai participa na PANAMERICAN Games cu lo tuma lugar na luna di July na Toronto, Canada. Despues di esei Kyra y Anouk lo bai Rusia na unda nan lo participa den World Championships. Esaki ta bai ta un competencia hopi importante pa nan, pa asina por midi nan mes cu e resto di mundo.Read more...Read more...Read more...

Read more...

ARUBA Cu Medaya Di Bronze Na CAC Veracruz 2014

Anouk Eman y Kyra Hoevertsz  a gana un medaya di Bronze pa nan Dueto rutina liber. Dilanti un publico grandi Anouk y Kyra a demonstra cu nan ta merece e medaya. E logro aki ta uno grandi pa e deporte di landamento sincroniza na Aruba y ta un satisfecho enorme pa e dos atletanan aki cu tin nan vista ariba qualificacion pa Weganan Olimpico Rio 2016. 

Read more...Read more...Read more...Read more...Read more...Read more...Read more...Read more...Read more...Read more...Read more...Read more...Read more...Read more...Read more...Read more...Read more...Read more...Read more...Read more...

Landado Allyson Ponson ta keda net cortico di un final A den 100m

Dialuna mainta tempran e Weganan CAC a continua na Veracruz, Mexico. Nos atletanan di Aruba tambe a competi den e diferente disciplinanan di deporte. Na e Centro Acuatico, e landado Allyson Ponson a competi den e evento di 100m freestyle. 
Allyson a start den e heat number 2 y den e caryl number 6. Mester bisa tabata tin un biento fuertisimo estilo di rafaga cu a dificulta e competencia. Por a mira cu esaki a afecta casi tur e landadonan den nan tempo marca. Mirando e circumstancianan rato rato a hasta stop e competencia pa seguridad di e atletanan y oficialnan. 

Pa loke ta e prestacion di Allyson esaki a bay den bon forma. Na final Allyson ta marca un tempo final di 58.43. Ta bon pa menciona cu Allyson su personal best ta 58.16

Cu a tempo aki Allyson a termina como e number 4 den su heat y 9 overall. Esaki ta nifica cu den oranan di anochi Allyson lo landa e final B den 100m freestyle mirando cu e prome 8 landadonan ta clasifica pa e gran final. 

Pa loke ta e final B di e anochi esaki a wordo cancela.

Esaki ta un otro bon presentacion di e hoben Ponson kende dos dia pasa a sa na kibra su record personal den e 50m lomba.

Read more...Read more...Read more...

Anouk Eman y Kyra Hoevertsz a keda na un di cuater luga na CAC

Diadomingo merdia e Weganan Centro Americano y del Caribe 2014 oficialmente a inicia pa Team Aruba den landamento sincronisa na Veracruz, Mexico ora cu e dueto di Aruba, consistiendo di Anouk Eman y Kyra Hoevertsz a mira accion. Mester bisa cu e dueto di Aruba a duna un tremendo presentacion pero ta keda net cortico pa loke ta un luga riba e podium na Veracruz. E duet Arubano a termina na un di cuater luga cu un puntuacion total di 73.3721 y asina nan ta termina net tras di Venezuela cu a keda cu e medaya di brons cu un puntuacion total di 74.2301. E dos landadonan elite den e deporte di landamento sincronisa bou guia di coach Denise Shively a landa den gran forma y tabata ocupa un di tres luga te na e ultimo competidonan cu tabata Venezuela. Remarcabel ta cu e dueto di Aruba a laga paisnan grandi nan tras manera Cuba, Puerto Rico, Guatemala y Costa Rica. E competencia a wordo domina den su totalidad pa e duetonan di Mexico y Colombia kendenan a termina na di respectivo prome y di dos luga cu puntuacion formidabel. E atletanan Anouk y Kyra lo competi den e dianan binidero na nan segundo evento, cu ta e Dueto Liber, den cual nan tin un otro oportunidad pa tog kisas logra un medaya pa Aruba.
Cuater aña pasa e dueto Amanda Maduro y Anouk Eman a logra e medaya di brons den e Weganan CAC na Mayaguez, Puerto Rico. E actuacion di awe ta uno sublime unda Anouk y Kyra a demostra clase y convence e huesnan y haya un bon puntuacion. Un palabra di pabien ta bay na Anouk Eman y Kyra Hoevertsz cu nan di cuater luga den e Weganan CAC. 

Read more...

Read more...Read more...Read more...

CAC 2014 Veracruz Mexico

Weganan CAC lo tuma lugar na luna di November na Veracruz, Mexico. AZB ta hopi orguyoso di presenta su representantenan pa landamento sincroniza. 
Read more...
Read more...
Read more...
Read more...
No events
Adress: Simulated Text 5863. Aruba. Phone: (685) 256975 - Fax: (685) 256975.
Made By Patrick Groters.
©2014 Aruba Swimming.