Varios landador di Aruba a logra e finalnan riba e prome dia di competencia di CISC
- Details
- Category: Swimming
- Published on Sunday, 24 June 2012 21:41
Varios landador di Aruba a logra e finalnan riba e prome dia di competencia di CISC
SAVANETA- Despues cu diabierna atardi a presencia e bunita ceremonia di apertura di e Caribbean Island Swimming Championships na Pool Olimpico Roly Bisslik na Savaneta, diasabra mainta a inicia cu e rondanan preliminario entre e paisnan participante. Un publico grandi tanto di exterior como local a asisti na e evento pa asina apoya nan landadornan faborito. Pa loke ta e prestacion di nos landadornan di Aruba, nos por bisa cu varios di nan a logra clasifica pa e finalnan cual lo tuma lugar den oranan di atardi pa anochi. E categorianan den cual nos landadornan a logra clasifica ta:
Mucha muher 11 - 12 anja:
Florence Kock y Junice Martin den 100m freestyle
Keeley Maduro den 100m backstroke
Florence Kock y Lizanne Farro den 50m butterfly
Keeley Maduro y Junice Martin den 200 IM
Mucha muher 13 - 14 anja:
Ginayla Arends y Rebecca Maduro den 200m freestyle
Mucha Muher 15 - 17 anja:
Gabriella Ponson y Allyson Ponson den 100m freestyle
Mucha muher 15 - 17:
Carolina Perez den 50m butterfly
Mucha homber 11 - 12 anja:
Patrick Groters y George den Dunnen den 200m IM
Mucha homber 13 - 14 anja:
Joseph Winterdaal den 50m butterfly
Mikel Schreuders den 400m IM
Mucha homber 15 - 17 anja:
Jemal Le Grand y Jordy Groters den 100 freestyle
Jordy Groters den 50m butterfly
Mucha homber 18+:
Jonathan Ponson
Mester bisa aserca cu lo landa algun final cual no tabata tin mester di cualificacion y aki tambe algun landador di Aruba lo ta compiti pa e premio maximo. Algun di landadornan lo ta entre otro Ashley Bransford, Valerie Eman, Dillon Wilems, Renze Postma, Rebecca Maduro, Adrienne Fraser y Marellys Robles de Medina. Por ultimo e anochi di landamento lo sera cu e relay den cual Aruba lo tin tres equipo den mucha Homber 18+(F. Goedgedrag, D. Willems, S.Goedgedrag y J. Ponson)kendenan lo landa e 400m freestyle, mucha muher 15 - 17anja(Gaby y Ally Ponson, D. van den Berg y C. Maduro) den 400m freestyle y mucha homber 15 - 17 anja(J. Groters, R. Postma, M. Willems y J. Le Grand) den 400m freestyle.
E competencia lo cuminsa pa 4.30 te cu 8or di anochi, mientras cu despues di e landamento lo cuminsa cu e competencianan di landamento sincroniza. Un invitacion cordial ta bai na henter e pueblo di Aruba pa pasa Piscina Olimpico Roly Bisslik na Savaneta y presencia e competencia di landamento CISC.
Picture Gallery
- < Prev
- Next >
