Seleccion di landamento a sigui sorprende den e campeonato di CISC

Details: Category: Swimming; Published on Monday, 25 June 2012 23:21

Riba e segundo dia di e Caribbean Island Swimming Championships, e seleccion di landamento di Aruba a sigui como e pais sorpresa. Apesar di e perde e prome puesto overall cu Trinidad and Tobago(393 punto), nos landadonan ta ocupa un di segundo lugar(369 punto), lagando Puerto Rico(226.5 punto) cu margin amplio nos tras. Diadomingo un bez mas e seleccion di Aruba ta logra conkista nos menos cu 14 medaya di cual 6 medaya tabata di Oro, 6 di Plata y 2 di Bronz pa un total di 30 medaya te cu awor. Solamente Trinidad and Tobago so tin tres medaya mas cu Aruba. Esnan cu a logra conkista medaya tabata:

Den e categoria femenino
Junice Maduro cu medaya di Plata den 200m breastroke
Team Aruba Relay cu medaya di Oro den 400m freestyle
Daniella van den Berg cu medaya di Oro den 200m freestyle
Ashley Bransford cu dos medaya di Plata un den 200m freestyle y 200m breaststroke

Den e categoria masculino:
George den Dunnen cu medaya di Oro den 200m beaststroke
Team Aruba Relay 11-12 cu medaya di Bronz den 400m freestyle
Mikel Schreuders cu medaya di Oro den 200m Breaststroke
Team Aruba Relay 13-14 cu medaya di Bronz den 400m freestyle
Jemal Le Grand cu medaya di Oro den 200m freestyle
Jordy Groters cu medaya di Plata den 200m freestyle
Jordy Groters cu medaya di Oro den 200m breaststroke

E campeonato di CISC lo continua dialuna y diamars den oranan di mainta y anochi na Piscina Olimpico Roly Bisslik na Savaneta.