Conoce e seleccion masculino di landamento 11 – 12 aña cu lo competi den e CARIFTA 2014

 

Comunicado

Conoce e seleccion masculino di landamento 11 – 12 aña cu lo competi den e CARIFTA 2014

Aruba, 8 april. Team Aruba lo ta bon representa den e evento di landamento durante e competencia anual CARIFTA 2014, cu ta tuma luga for di dia 22 te cu 25 di april proximo. Faltando no menos cu dos siman, e seleccion nacional di landamento ta entrenando fuerte na Piscina Olimpico Roly Bisslik. Algun di e landadonan di categoria 11-12 masculino lo haci nan debut den mundo di landamento internacional. Ta bon pa bisa cu algun di e landadornan aki lo competi den un of mas disciplina. Den e grupo 11 – 12 aña tin talento de sobra, mirando cu nan ta aspira pa logra medaya pa Aruba. Nos tin e hoben Brandon Cheong cu lo landa e 200 Breast, 400 Free Relay, 50 Fly, 400 Medley Relay, 50 Breast, 100 Free, 50 Free 100 Breast y 200 Free Relay. Tambe nos tin Lucien Peterson cu lo landa den 50 Back, 400 Free Relay, 200 Free, 100 Back, 400 Medley Relay, 100 Free, 50 Free y 200 Free Relay. E hoben Kenrick Pichardo kende lo competi den e 400 Free Relay, 400 Medley Relay  y e 200 Free Relay. Por ultimo nos tin e hoben, Jasper – Timmer cu lo landa e disciplinanan 50 Back, 400 Free Relay, 50 Fly Prelims, 100 Back Prelims, 400 Medley Relay  y 200 Free Relay.

Cu otro palabra Team Aruba 11 – 12 aña forma pa Brandon, Lucien, Jasper y Kenrick ta cla pa enfrenta nan contricantenan di e otro islanan y ta conta cu boso apoyo na Piscina Olimpico Roly Bislick den e dianan di 22 te 25 di april venidero.