Open Water Results Carifta 2014
Open Water results
Open Water Medal Count
Open Water Team Scores
Tur cos ta cla pa Aruba host e CARIFTA 2014 den landamento, landamento sincronisa y open water
Mester bisa cu nos atletanan ta cla pa competi contra esnan di e region Caribe unda 19 pais lo bishita Aruba pa un siman di competencia. Tur dia e atletanan den tur tres disciplina ta entrena bou guia di nan entrenadornan pa asina busca e mihor ahuste pa dia di e competencia.
Pa loke ta e trabounan na e piscina, nos tin cu bisa cu nos por a mira e diferente tentnan poni, mientras e personal di Brandweer a bin duna un man pa finalisa e trabounan. Na banda di e pone startblokken nan nobo, a drecha tambe e scoreboard cu luznan mas briyante. Na Mangel Halto diferente landador a test e 1km di Open Water. Comision tecnico di COA y Cemedar Sports Medicine cu ta percura pa e cuido medico di nos atletanan a duna e landadornan e ultimo massaga, tambe Dr. Mejia duna algun di e atletanan ehercicio di flexibilidad.
Mirando tur e preparacionnan mester bisa cu Piscina Olimpico Rolly Bisslik na Savaneta ta cla pa ricibi nos bishitantenan di Caribe como tambe nos propio hendenan cu lo baha masal pa apoya nos seleccion nacional. E competencia lo inicia diamars pa 9or di mainta mientras atardi pa 5or te cu 5.45 lo tin e ceremonia di apertura, sigui despues pa un particion di medaya di 800m y 1500m cu a wordo landa e mainta ey. Mester bisa cu tur atardi, e session ta cuminsa cu un particion di medaya di e ultimo evento(e finalnan) di e anochi anterior. E competencia di landamento sincronisa lo tin su competencia di figura diabierna 25 di april esaki di 1or te cu 3or di atardi, mientras diasabra mainta di 9or pa 12or lo tin e routinanan. E competencia di Open Water na Mangel Halto lo ta diasabra mainta pa 8or. E competencia di Carifta 2014 lo dura te cu diasabra 26 di april. Lo bai tin tin un live streaming pa esnan den exterior y Aruba mes por mira esaki na e link https://arubaswimming.com/index.php/national-meets/carifta-2014-aruba/71-carifta-2014-live Tambe por subi e Facebook page di Carifta 2014 Aruba.
Tur cos ta cla pa e competencia di Open Water CARIFTA 2014
Comunicado
Tur cos ta cla pa e competencia di Open Water CARIFTA 2014
Aruba, 13 di april. E aña aki lo bai tin un “Open Water Compitition” durante di e campeonato di CARIFTA 2014. Ya pa algun siman cierto tramitenan a ser haci pa asina pone un ruta den nos awanan pa cu e competencia den lama habri. Dos aña pasa ya caba a organisa e evento unico aki durante di e campeonato di Caribbean Islands Swimming Championships (CISC) 2012 y tabata un exito rotundo. Por corda cu un grupo grandi di boluntarionan a yuda den esaki. E aña aki esaki lo no ta diferente paso tur cos ta practicamente cla pa ricibi segun informacion e 84 landadornan cu a inscribi pa e competencia di open water. Diasabra ultimo un grupo di boluntario consisti di Bert Schreuders, Roly Bisslik, Davy Bisslik, Ivo Maduro, Daniel Jacobs y Jaydeon Jacobs hunto cu personal di Kustwacht cu na cabez capitan Boekhoudt y su ekipo a expande e pacour di 5 km. E sitio na unda lo tene e competencia ta Mangel Halto y becindario, un lugar porcierto ideal pa dicho competencia. Por ultimo kier a gradici sr. Javier Wolter y Caribbean Mercantile Bank pa e donacion di tur e blokinan grandi di cement pa wanta e boeinan y pa e botonan di rescate. No cabe duda cu e competencia di Open Water cu ta programa pa tuma lugar diasabra 26 di april pa 8or di mainta lo bira un exito rotundo.
View Map!