Abigail de Veer y Kyra Hoevertsz a logra medaya di Oro den landamento sincroniza
- Details
- Category: Synchro
- Published on Monday, 25 June 2012 23:43
Diasabra anochi, despues cu a finalisa cu e competencia di landamento, a inicia cu e prome prueba pa e competidornan den landamento sincroniza, como parti di e "Caribbean Islands Swimming Championships" (CISC) cu ta tumando lugar aki na Aruba. E solistanan di cada pais participante tabata esnan cu mester a demostra e miho di nan rutina di baile den awa. Mester bisa cu e competencia tabata fuerte y ariba nivel halto. Pa hasi e competencia mas interesante, e organizadornan a invita dos pais, esta Venezuela y Canada pa bini Aruba cu un elenco di gran calidad. Na final di anochi, e puntuahe tabata
uno hopi sera caminda no por a defeni, kende realmente lo logra e medaya di Oro. Sinembargo diasabra merdia, e puntonan den e prueba figuranan tecnico, mester a dicidi cua di e competidornan a logra e prome tres puestonan. Den e categoria 12 aña y menos Abigail de Veer a logra medaya di oro, mientras cu den e categoria 13-15 aña Kyra Hoevertsz a logra medaya di Oro pa Aruba, titulando campeon. Ademas Erica Jaramillo y Nikita Pablo a logra medaya di Plata.
Dialuna e competencianan di synchro ta continua na Piscina Olimpico Roly Bisslik na Savaneta pa 8.30 or di anochi cu e prueba di dueto. Nos ta extende un cordial invitacion na pueblo di Aruba pa bin apoya nos hobennan, cu ta defendiendo nan titulo di Campeon di Caribe pa di 12 aña consecutivo. Adhunto e resultadonan final di e competencia di Solo.
