Comunicado CONOCE AZB SU SELECION PA CARFITA 2015 Edad 11-12 anja

Despues cu e temporada di clasificacion a termina luna pasa, AZB ta presenta su dos atletenan mas joven cu lo forma parti di e seleccion di landamento cu lo participa na CARIFTA, Caribbean Swimming Championships locual ta tuma lugar na Barbados e prome siman di April.

GWENNANDY KOCK y LUCIEN PETERSON lo ta Aruba su representante den categoría  11-12.

Aunke cu ambos landador a participa den CARIFTA 2014 na Aruba,  esaki lo ta e prome biaha cu nan ta forma parti di un seleccion pa competi pafor di Aruba y sigur esaki ta un  experiencia grandi pa e dos hoben aki. Gwennandy lo competi den estilo liber y den Combinado Individual mientras cu Lucien lo participa den den estilo liber. Ambos atleta sigur lo hanja hopi experiencia durante e competencia aki na unda nan lo por competi contra e landadornan di mas liher den Caribe den nan categoría.