Arubano Allyson Ponson y Mikel Schreuders a haci historia pa Aruba door di clasifica pa e deporte di landamento pa prome biaha pa un Weganan Olimpico

Durante e competencia di XXXIII Torneo Internacional de Natacion Delfines del Naco recientemente teni na e pais di Republica Dominicana, e atleta Arubano Allyson Ponson y Mikel Schreuders a haci historia pa Aruba door di clasifica pa e deporte di landamento pa prome biaha pa un Weganan Olimpico, den e caso aki esun otro aña di Rio 2016.

Riba e prome dia di competencia, e atleta Ally Ponson ta logra landa un tempo di 25.89 den e 50m estilo liber cual a dune e derecho di clasificacion pa dicho weganan. E temo aki alabes tabata un record nacional nobo den e 50m free pa Aruba. E alegria sigur tabata uno inmenso cerca tur presente cu a celebra e logro unico aki. Sino tabata suficiente, dos dia despues un otro hoben landado di Aruba ta logra otro momento historico door di tambe logra su clasificacion pa e Weganan Olimpico di Rio 2016. E hoben Mikel Schreuders a perucra pa un sorpresa grandi den e 200m estilo liber, unda e ta landa un tempo di 1:51:17, mientras e tempo exigi pa e federacion mundal di landamento FINA pa cu Rio 2016 ta 1:51:75.

Mas cu claro e celebracion a bira uno dobbel pa Aruba. Mester bisa cu Allyson y Mikel a bira e prome landadonan femenino y masculino cu a logra un clasificacion oficial pa e Weganan Olimpico. Lotto, e loteria di Aruba ta manda un palabra di felicitacion primeramente na e atletanan di landamento Allyson Ponson y Mikel Schreuders cu nan logro historico pa e deporte di landamento, coach Ismael Santiesteban, e federacion di AZB, e mayornan y Aruba completo. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

9

No events
Adress: Simulated Text 5863. Aruba. Phone: (685) 256975 - Fax: (685) 256975.
Made By Patrick Groters.
©2014 Aruba Swimming.