Campeonato Arubano di Landamento Sincronisa un exito total!

Dianan 20 y 21 di mei ultimo AZB a organisa su competencia di mas grandi di aña pa e deporte di landamento sincronisa, esta e "Aruba National and Invitational Age Group Synchronized Swimming Championships". E competencia tin un caracter international y e aña aki tawatin dos atleta di Bahamas cu a participa den categoria di 12 and under y 13-15.

 

Manera custumber e prome competencia tawata esun di Figuras ariba diasabra mainta.

E defile di apertura tawata diasabra atardi, na unda e atletanan di "De Barracudas a lusi den nan uniform nobo, full na blauw, conhunto cu 2 atleta di Barbados.

Despues di e defile a cuminsa di biaha cu competencia di solo den tur categoria. Ta pa prome biaha pa e atletanan nobo "beginners" a participa na un competencia cu rutinanan. Tawatin en total di 16 solo ariba e anochi aki.

 

Diadomingo mainta a inicia e competencia di Duet sigi pa esun di Team. Akinan tambe e routinanan tabata di kita sombre, y a demonstra cu en berdad e atletanan di synchro ta hasiendo un tremendo trabou cu tur e preparacionnan simannan largo.

Tawatin un sorpresa e mainta caminda cu e FUN GROUP a duna un tremendo presentacion den apenas algun lunas cu nan ta train. E grupo aki ta un iniciativa nobo cu a cuminsa cu ne e aña aki specialmente pa atletanan cu kier "purba" e deporte di synchro pa wak si nan kier sigi cu ne. Tin cu bisa cu e Fun Group despues di nan rutina a pone tremendo ambiente caminda tur atleta a baila riba deck y algun mayor a swing tambe riba tribune pa despues tur atleta bula hunto den pool.

 

 

Despues a sigui cu e parti oficial di e ceremonia di medaya na unda tawatin masha hopi entregamento mes. Como overall ganadora di cada grupo di edad a keda:

 

Beginners: Quintessa Sophia

10 and under: Sofia Cardona

11-12: Avigayle Tromp

13-15: Kainah Croes

16-18: Abigail de Veer

 

E sigiente competencia aki na Aruba lo ta dia 25 juni: e Aruba Senior Nationals cu ta tuma lugar dia 25 di juni pa 7 pm. Akinan e atletanan lo competi den e categoria "OPEN", y cu ta en preparacion pa e Campeonato Mundial cu ta tuma lugar na Budapes na luna di juli 2017, y pa otro aña e Weganan CentroAmericanos y del Caribe na Cali, Colombia.

 

Pa e atletanan mas joven e sigiente competencia lo ta CCCAN cu ta tuma lugar na Trinidad y Tobagao. Lo tin un delegacion di 13 atleta cu lo representa Aruba aki nan.

Keda pendiente pa esaki via Facebook of via e website: www.debarracudas.com, y tambe pa tur actividad y resultadonan. 

Read more...Read more...Read more...Read more...Read more...Read more...Read more...Read more...Read more...Read more...Read more...Read more...Read more...Read more...Read more...

Oficial di Landamento di Aruba participando na Bermuda

Bermuda Amateur Swimming Associacion "BASA" a hasi un peticion na Arubaanse Zwembond, AZB, pa facilita nan cu e dos oficialnan certifica di FINA den personanan di: Referee; Ronald Leito y Starter; Mayens Tromp, pa dirigi nan competencia: Validus Bermuda Swimming Championship, 17 mei 2017 te cu 21 mei 2017.

 

FINA ta exigi pa cu competencianan cu ta clasificatorio ta dirigi pa nan Oficialnan Certifica y e competencia aki ta clasificatorio pa e aña 2017 pa: 

1. FINA WORLD JUNIOR SWIMMING CHAMPIONSHIP na INDIANAPOLIS, USA.

2. FINA WORLD CHAMPIONSHIP na BUDAPEST.

 

BASA cu tin tur confiansa den e dos oficialnan ta cubri tur gasto cu ta envolvi.

 

AZB a aproba e peticion, pasobra AZB tin tur confiansa cu Ronald y Mayens cu ta oficialnan cu conocimiento y experencia local y internationalmente lo representa nos pais Aruba dignamente y ta desea nan tur clase di exito.

 

Read more...Read more...Read more...

Barracudas Synchro a tene su competencia "Mini Arubaanse"

Aruba, 13 december 2016. Diadumingo ultimo dia 11 di december Barracudas a tene su competencia di Mini Arubaanse. E idea tras di e competencia aki ta pa sera e aña cu un competencia general pa asina por evalua e nivel di e atletanan prome cu e temporada di competencia cuminsa.

Tur atleta a participa na e evento aki. Ya di mainta trempan atleta nan a yega y haci nan warm up y pa 9 or a cuminsa cu e competencia di figuras. Pa loke ta trata e figuras nan cu e categoria di Beginners mester a haci tabata: Sailboat alternate y Somersault Back tuck .  Pa e categoria di 10 aña & menos y 12 aña y menos, a mustra nan abilidadnan den Balletleg, Barracuda, Tower y Swordfish Straight Leg.

Pa loke ta e categoria di 13-15 aña nan mester a haci e Ariana, Barracuda Spinning 180, Albatross1/2 twist y Side Fishtail Split. E grupo di 16-18 mester a demostra e Barracuda Airborne Split, Porpoise Twist, Ibis Continuous Spin y Jupiter .

Despues di e competencia di figuras e atletanan a sigui cu e parti di rutina y aki huesnan a wak diferente aspecto pa ora di forma seleccion cu lo representa Aruba na competencianan international.

Por ultimo a sigui cu e entregamento di medaya di tur categoría. Pa e categoría di Beginner: medaya di pro a bai pa Cherry Anne Martes, e medaya di silver pa Xiana Hoo y e medaya di brons pa Zianthe Kock.

Pa 10 & under e medayanan a wordo gana como lo sigiente: oro pa Sofia Cardona, silver  pa Abizahi Sanchez y brons pa Sylvana Cardona.

Pa 12 & under Oro a bai pa Mikayla Morales, silver pa Avigayle Tromp y brons pa Abigail Sanchez. 13- 15 oro tawata pa Kaina Croes, silver pa Meghan Tromp y brons pa Janelly Piña. Y den e categoria di 16-18 oro a bai pa Abigail de Veer y silver pa Mary Jane Wong. Read more...Read more...Read more...Read more...

            

Comunicado Kyra Hoevertsz a inicia su competencianan cu su College Lindenwood University na Merca

Oranjestad, 28 februari 2017. Recientemente na St. Louis, Missouri e conocido atleta Arubano Kyra Hoevertsz a cuminsa cu su competencianan di landamento sincronisa, hunto cu su equipo di Lindenwood University. Kyra desde augustus 2016 a join Lindenwood na unda a cuminsa su prome anja di estudio como "freshman". Desde e tempo ei a incorpora den e equipo di Lindenwood cu tin como head-coach Lori Eaton y assitant coaches, Mikayla Francees y Irene Montruccio. Lori Eaton ya tin añas ta juda coach e equipo di Aruba cu hopi bon resultadonan, entre otro ultimo e medaya di Brons na CAC, Veracruz.

E prome competencia cu Kyra a particpa na dje tawata final di Januari contra Illi-Synchro, na unda Kyra a logra sali den Figures division "B" na prome lugar cu 65. 5238. Den Duet hunto cu su pareja Vasilisa Mironovo nan a termina na e prome lugar cu un puntuaje di 84.3333.

E sigiente competencia tawata na Gainesville Florida na unda Kyra a competi den Figuranan division "B" y a termina na prome lugar cu un puntuaje di 72.4108. Den evento di Trio a termina na di dos lugar hunto cu MariaLaura Villasana y Daniela Garmendia cu un puntuaje di 74.6000. Den e evento di equipo a termina na di prome lugar cu 78.5333 punto.

E weekend cu a pasa a competi na Stanford University na California contra Stanford University y tambe Ohio State University. E dos equiponan aki ta un competencia basta fuerte y ta wordo considera como e dos mihor nan den Synchro na USA. Apesar di esei Lindenwood University hunto cu Kyra a hasi un tremendo  trabou. Den e parti di figuras, Kyra a termina na e di dos lugar cu un total di 71.8334 punto. Tambe a competi den Trio a termina na di 4-er lugar. Cu e equipo a termina na e di tres lugar.

 

E sigiente competencia ta bai ta na principio di Maart na Columbia Ohio, na unda lo participa na e "North Collegiate Regionals". Akinan  e equipo lo mester kwalifica pa asina por particpa na e "USA Collegiate Championships" cu lo tuma lugar di 22 pa 25 di maart 2017.

 

 

Pa wak mas potret y pa sigui mas informacion tocante Landamento Sincronisa por subi riba e pagina di Facebook di Barracudas Aruba y ariba Instagram synchro_aruba.

Read more...Read more...Read more...Read more...Read more...Read more...Read more...

BARRACUDAS ARUBA A TENE NAN COMPETENCIA DI ASU OLIMPIADA

 

ARUBA, 24 november 2016. En conexion cu ASU Olimpiada, diasabra 19 di November ultimo, "De Barracudas Synchronized Swimming Club" a organisa e conoci competencia di figura di Synchro. Aki un total di 26 atleta a competi, reparti den e categorianan 10 &U, 12&U, 13 – 15  y 16 – 18.

Figuranan cual atletanan di 10&U y 12&U mester a domina ta Ballet Leg, Barracuda, Kip y Walkover Front. Locual ta trata e atletanan di 13-15 e figuranan tabata Ariana, Barracuda Spinning 3600, Porpoise Spin 1800 y Flamingo Bent Knee. E dos atleta nan cu a competi den 16 – 18 a mustra nan abilidad pa cu e figuranan: Barracuda Airborne Split, Porpoise Twist Spin, Manta Ray y Butterfly.

Pa loke ta trata e premiacion: den catergoria 10&U medaya di oro a bay pa Sofia Cardona, medaya di plata pa Sylvana Cardona y medaya di brons a bay pa Abizahi Sanchez. Den categoría 12&U medaya di oro a bay pa Avigayle Tromp, medaya di plata Mikayla Morales y medaya di brons pa Abigail Sanchez. Pa categoría 13 – 15 medaya di oro a bay pa Sara Silva, medaya di plata pa Meghan Tromp y medaya di brons pa Janelly Piña. Den e categoría 16 – 18 dos atleta a competi y aki Abigail de Veer a haya e medaya di oro y Maryjane Wong a haya medaya di plata.

Barracudas Aruba kier a manda palabra di pabien na tur e atletanan di landamento Sincroniza cu a participa na e evento aki di ASU y alaves recorda cu e proximo competencia lo ta dia 10 di december próximo.

Un palabra di gratitud ta bay pa tur Coaches, judges, scorers, MC y un danki special na e fotografo nobo di Barracudas sr. Ranson Kock, cu voluntariamente ta duna su tempo na De Barracudas!

Pa loke ta trata e actividad di e siman aki, Barracudas Aruba ta invita henter pueblo di Aruba pa bin aporta na e deporte di synchro, cu e grandioso evento pa recauda fondo: Thanksgiving Fun Walk/Run diasabra awo 26 di november. Lo tin Zumba y doorprizes y na final un get together cooldown. Carchinan obtenibel cerca stur atleta di Barracudas y tambe cerca sra Memita na telefoon 5925966, sra Candi na telefoon 7361007 of na IBISA.

Pa mas información por subi tambe riba e pagina di Facebook di Barracudas Aruba. Read more...Read more...

Read more...

No events
Adress: Simulated Text 5863. Aruba. Phone: (685) 256975 - Fax: (685) 256975.
Made By Patrick Groters.
©2014 Aruba Swimming.